بھارت میں 74 سالہ خاتون نے جڑواں بچوں کو جنم دیا

بھارتی ریاست آندھرا پردیش سے تعلق رکھنی والی 74 سالہ خاتون نے جڑواں بچوں کو جنم دے کر سب کو حیران کر دیا۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارتی ریاست آندھرا پردیش سے تعلق رکھنی والی 74 سالہ خاتون نے جڑواں بچوں کو جنم دے کر سب کو حیران کر دیا۔ اطلاعات کے مطابق وہ ممکنہ طور پر اس عمر میں ماں بننے والی سب سے معمر خاتون بھی بن گئیں،اس خاتون کی پہلے کوئی اولاد نہیں تھی تاہم انہیں ہمیشہ سے بچوں کی چاہت تھی۔بھارتی ذرائع کے مطابق ارامتی مانگیاما نامی خاتون نے صحت مند جڑواں لڑکیوں کو جنم دیا۔ 74 سالہ خاتون نے اپنے جذبات کا اظہار کرتے ہوئے کہا کہ ان بچیوں نے مجھے مکمل کردیا، میرا 60 برسوں کا انتظار ختم ہوا اور اب مجھے کوئی بانجھ نہیں کہہ سکے گا،ان کے ہاں معجزاتی طور پر بچوں کی پیدائش آئی وی ایف طریقہ علاج کی مدد سے ممکن ہوئی ہے۔اس حوالے سے انہوں نے بتایا کہ اس مخصوص علاج کے ذریعے میری 55 سالہ پڑوسن کے ہاں اولاد ہوئی تھی جس کے بعد مجھے اس سے مدد لینے کا خیال آیا۔برطانیہ میں ایک نجی فرٹیلیٹی کلینک نے اولاد کے خواہشمند جوڑوں کے لیے آئی وی ایف کا طریقہ کار متعارف کروایا تھا جو قدرتی تولیدی عمل سے قریب تر ہے۔رپورٹ کے مطابق ان ویٹرو فرٹیلائزیشن (آئی وی ایف) طریقہ کار میں زیادہ تر لیبارٹری میں مصنوعی طور پر بچوں کی پیدائش کے تولیدی عمل کا آغاز کیا جاتا ہے، اس طریقہ کار میں سلنڈر نما چھوٹےسے کیپسول میں مرد اور عورت کا تولیدی مادہ بھر کے اسے عورت کے رحم میں رکھ دیا جاتا ہے۔

News Code 1893548

لیبلز

آپ کا تبصرہ

You are replying to: .
  • 2 + 0 =