رانا ثنا اللہ کے جوڈیشل ریمانڈ میں 14 روز کی توسیع

پاکستان کی انسداد منشیات عدالت نے منشیات برآمدگی کیس میں گرفتار مسلم لیگ (ن) پنجاب کے صدر رانا ثنا اللہ کے جوڈیشل ریمانڈ میں 14 روز کی توسیع کردی۔

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کی انسداد منشیات عدالت نے منشیات برآمدگی کیس میں گرفتار مسلم لیگ (ن) پنجاب کے صدر رانا ثنا اللہ کے جوڈیشل ریمانڈ میں 14 روز کی توسیع کردی۔ اے این ایف حکام نے سخت سکیورٹی میں منشیات برآمدگی کیس میں گرفتار مسلم لیگ (ن) پنجاب کے صدر رانا ثنا اللہ کو جوڈیشل ریمانڈ کی مدت ختم ہونے کے بعد لاہور کی انسداد منشیات عدالت میں پیش کیا ۔

دوران سماعت اے این ایف پراسیکیوٹر نے عدالت میں رانا ثنا اللہ کی گرفتاری کے وقت سیف سٹی کی ریکارڈ فوٹیج فراہم کردی۔ عدالت نے رانا ثنااللہ کو روسٹرم پر بلایا اور ان سے دستخط لینے کے بعد سی سی ٹی وی فوٹیج سر بمہر کردی۔رانا ثنااللہ کے وکلا کی جانب سے ضمانت کی درخواست بھی دائر کر دی جس پر انسداد منشیات حکام نے ضمانت کی درخواست پر دلائل کے لیے وقت مانگ لیا۔ عدالت نے رہنما مسلم لیگ (ن) راناثنا اللہ کے جوڈیشل ریمانڈ میں 14دن کی توسیع کرتے ہوئے انہیں 7 ستمبر کو دوبارہ پیش کرنے کا حکم دے دیا۔

News Code 1893179

لیبلز

آپ کا تبصرہ

You are replying to: .
  • 4 + 0 =