شمالی وزیرستان میں دفعہ 144 نافذ

مہر خبررساں ایجنسی نےایکسپریس کے حوالے سے نقل کیا ہے کہ پاکستان کے قبائلی علاقہ شمالی وزیرستان کی انتظامیہ نے دفعہ 144 کے تحت غیر مقامی افراد کے داخلے پر پابندی لگا دی ہے۔  اطلاعات کے مطابق ڈسٹرکٹ پولیس افسر(ڈی پی او) کی سفارش پر ضلع شمالی وزیرستان میں غیر مقامی افراد کا داخلہ ممنوع قرار دیا گیا، ضلعی انتظامیہ کا کہنا ہے کہ غیر مقامی افراد امن و امان کیلئے خطرہ ہیں البتہ  غیر مقامی سرکاری ملازمین اور مزدور پابندی سے مستثنیٰ ہیں۔ضلعی انتظامیہ کا کہنا ہے کہ پابندی کی خلاف ورزی کرنے والے عناصر کے خلاف قانون کے مطابق کارروائی کی جائے گی۔