بھارتی حکومت نے کشمیر کے دو سابق وزراء اعلی کو گھروں میں نظر بند کردیا

بھارت کی مودی سرکار نے ہندوستان کے زیر انتظام کشمیر کے دو سابق وزراء اعلیٰ عمر عبداللہ اور محبوبہ مفتی کو گھر میں نظر بند کردیا ہے۔

مہر خبررساں ایجنسی نے کشمیر ذرائع کے حوالے سے نقل کیا ہے کہ بھارت کی مودی سرکار نے ہندوستان کے زیر انتظام کشمیر کے دو سابق وزراء اعلیٰ عمر عبداللہ اور محبوبہ مفتی کو گھر میں نظر بند کردیا ہے۔ دونوں رہنماؤں نے اتوار کوعمر عبداللہ کے گھر پر ایک اجلاس میں شرکت کی تھی جس میں مقبوضہ کشمیر کی بگڑتی ہوئی صورت حال پر بات چیت کی گئی تھی۔عمر عبداللہ نے سوشل میڈیا پر اپنے پیغام میں کہا ہے کہ نصف شب سے مجھے گھر پر نظر بند کر دیا گیا ہے، اس کے ساتھ ہی کشمیر کے دیگر رہنماؤں کو بھی نظر بند کیا جارہا ہے۔انہوں نے کہا کہ اب کشمیر میں جو کچھ ہوگا اس کے بعد ہی کشمیریوں سے ملاقات ہو سکے گی، اللہ ہم سب کی حفاظت فرمائے۔ ادھر کشمیر کی سابق وزیر اعلیٰ محبوبہ مفتی کو بھی ان کے گھر پر نظر بند کر دیا گیا ہے۔ محبوبہ مفتی نے سوشل میڈیا پر اپنے پیغام میں کہا ہے کہ ہم جیسے منتخب نمائندوں کو بھی گھروں پر نظر بند کیا جارہا ہے۔

News Code 1892706

لیبلز

آپ کا تبصرہ

You are replying to: .
  • 8 + 3 =