برطانیہ کو ایران کی تیل بردار کشتی کو ضبط کرنے کا تاوان ادا کرنا پڑےگا

اسلامی جمہوریہ ایران کے صدر حسن روحانی نے برطانیہ کو خبردار کرتے ہوئے کہا ہے کہ تم نے ایران کی تیل بردار کشتی کو سمندرمیں ضبط کرکے شرارت کا آغاز کیا ہے اور اس کا تمہیں بعد میں سنگین تاوان ادا کرنا پڑےگا۔

مہر خبررساں ایجنسی کی رپورٹ کے مطابق اسلامی جمہوریہ ایران کے صدر حسن روحانی نے کابینہ کے اجلاس میں برطانیہ کو خبردار کرتے ہوئے کہا ہے کہ تم نے ایران کی تیل بردار کشتی کو سمندرمیں ضبط کرکے شرارت کا آغاز کیا ہے اور اس کا تمہیں بعد میں سنگین تاوان ادا کرنا پڑےگا۔ صدر حسن روحانی نے کہا کہ دشمن خطے میں بد امنی پیدا کرنا چاہتا ہے اسی لئے وہ کبھی ایران کی فضائی حدود کی خلاف ورزی کرنے کی کوشش کرتا ہے البتہ اسے اس سلسلے میں ایرانی ايئر ڈیفنس نے منہ توڑ جواب دیا ہے جبکہ ایران کی تیل بردار کشتی کو ضبط کرکے دشمن نے نئي شرارت کا آغاز کیا ہے جس کا ایران مناسب وقت میں بھر پور اور منہ توڑ جواب دےگا۔

صدر حسن روحانی نے برطانیہ کے اقدام کو غلط ، بے بنیاد اور خطرناک قراردیتے ہوئے کہا کہ برطانوی بحریہ نے اسپین کی بحری حدود میں ایران کی تیل بردار کشتی کو ضبط کرکے سنگین جرم کا ارتکاب کیا جس کا تاوان برطانیہ کو ادا کرنا پڑےگا۔ صدر حسن روحانی نے کہا کہ برطانیہ کو اپنی اس خطا کی سنگینی کا علم بعد میں ہوگا۔ صدر روحانی نے کہا کہ دشمن نے ایران کی علمی پیشرفت کو روکنے کے لئے ایران کے اقتصاد کو نشانہ بنا رکھا ہے اور ایران آج دشمن کی اقتصادی دہشت گردی کا بھر پور انداز میں مقابلہ کررہا ہے۔

News Code 1892045

لیبلز

آپ کا تبصرہ

You are replying to: .
  • 5 + 2 =