ترکی کا ایس-400 میزائل کے معاہدے سے پیچھے نہ ہٹنے کا عزم

مہر خبررساں ایجنسی نے آناتولی کے حوالے سے نقل کیا ہے کہ ترک صدر رجب طیب اردوغان نے کہا ہے کہ امریکہ کی دھمکیوں کے باوجود وہ روس کے ساتھ ایس-400 میزائل کے معاہدے سے پیچھے نہیں ہٹیں گے۔ اطلاعات کے مطابق گزشتہ ہفتے پینٹاگون کے اعلیٰ عہدیدار نے کہا تھا کہ اگر ترکی نے روس سے اینٹی- ایئر کرافٹ ویپن سسٹم خریدنے کا منصوبہ برقرار رکھا تو اس کے مشترکہ ایف-35 فائٹر پروگرام اور نیٹو کے ساتھ اس کے تعاون کے نتائج خطرناک ہوں گے۔ ادھر ترک صدر نے کہا ہے کہ وہ ایس 400 میزائل خریدنے کے  معاہدے پر قائم ہیں اور ترکی امریکہ کی د ھمکیوں میں نہیں آئے گا ۔