بھارت میں  طوفان کے نتیجے میں 20 لاکھ افراد کو محفوظ مقام پر منتقل

بھارت کے مشرقی ساحلی علاقوں سے طاقتور طوفان " فانی" ٹکرا گیا جس کے نتیجے میں 20 لاکھ افراد کو محفوظ مقام پر پناہ لینی پڑی جبکہ دو افراد ہلاک ہوگئے ہیں۔

مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت کے مشرقی ساحلی علاقوں سے طاقتور طوفان " فانی" ٹکرا گیا جس کے نتیجے میں 20 لاکھ افراد کو محفوظ مقام پر پناہ لینی پڑی جبکہ دو افراد ہلاک ہوگئے ہیں۔اطلاعات کے مطابق بھارتی ریاست اڑیسہ  کے ساحلی علاقوں میں طاقتور سمندری طوفان ’فانی‘ نے بڑے پیمانے پر تباہی مچادی، 200 کلومیٹر فی گھنٹہ کی رفتار سے چلنے والی طوفانی ہواؤں نے اپنے سامنے آنے والی ہر چیز کو تہس نہس کر کے رکھ دیا۔ ہوا کے تیز جھکڑوں نے درختوں کو جڑوں سے اکھاڑ پھینکا، مکانات کی چھتیں منہدم ہوگئیں، علاقے میں جا بہ جا تار گرنے کے باعث بجلی بند کردی گئی، تیز بارشوں نے سیوریج کا نظام درہم برہم کردیا اور سڑکیں تالاب کا منظر پیش کرنے لگیں۔

ریسکیو اداروں نے امدادی کاموں کا آغاز کرتے ہوئے 20 لاکھ افراد کو محفوظ مقام پر منتقل کیا ہے، ریلیف کیمپ قائم کردیئے گئے جہاں متاثرین کو خوراک اور طبی امداد فراہم کی جا رہی ہے۔ اب بھی ہزاروں لوگ خراب موسم کے باعث پھنسے ہوئے ہیں۔ تاحال مجموعی نقصان کا اندازہ نہیں لگایا جا سکا ہے۔ وفاقی حکومت نےاڑیسہ، مغربی بنگال، آندھرا پردیش، تامل ناڈو اور پوڈو چیری میں 15 مئی تک طبی عملے کو چوکنا رہنے کی تاکید کی گئی ہے ۔

News Code 1890224

لیبلز

آپ کا تبصرہ

You are replying to: .
  • 7 + 2 =