امریکہ میں روسی خاتون کو جاسوسی کے الزام میں 18 ماہ قید کی سزا

امریکہ کی ایک عدالت نے روسی خاتون ماریہ بوتینا کو جاسوسی کے الزام میں 18 ماہ قید کی سزا سنادی ہے۔

مہر خبررساں ایجنسی نے روسیا الیوم کے حوالے سے نقل کیا ہے کہ امریکہ کی ایک عدالت نے روسی خاتون ماریہ بوتینا کو جاسوسی کے الزام میں 18 ماہ قید کی سزا سنادی ہے۔ اطلاعات کے مطابق امریکہ کی ضلعی عدالت نے روسی اسلحہ ساز ادارے کے لیے کام کرنے والی ماریہ بوتینا کو امریکہ کے اعلیٰ سیاسی شخصیات سے تعلقات استوار کرکے اہم راز کی حصول کی کوشش کے الزام میں 18 ماہ قید کی سزا سنادی۔ماریہ بوتینا 9 ماہ سے پولیس کی حراست میں ہیں اس عرصے کو بھی ان کی سزا میں شامل کرلیا جائے گا، سزا مکمل کرنے کے بعد روسی خاتون کو ملک بدر کردیا جائے گا۔ ماریہ امریکہ میں تعلیم کی غرض سے مقیم تھیں اور نیشنل رائفل ایسوسی ایشن کے معاملات میں اثرانداز ہونے کے لیے امریکی سیاست دانوں سے اپنے تعلقات استعمال کیے تھے۔واضح رہے کہ ماریہ نے گرفتاری کے بعد پولیس کو دیے گئے بیان میں امریکی سیاست دانوں تک رسائی حاصل کر کے روابط بڑھانے اور نیشنل رائفل ایسوسی ایشن میں مداخلت کا اعتراف کیا تھا۔ امریکی صدر بھی نیشنل رائفل ایسوسی ایشن کے رکن ہیں اور صدر ٹرمپ پر صدارتی انتخابات میں کامیابی کے لیے روس کی مدد لینے کا الزام بھی لگتا رہا ہے۔

News Code 1890063

لیبلز

آپ کا تبصرہ

You are replying to: .
  • 3 + 0 =