ایرانی فوج اور سپاہ کا تعاون قابل تعریف/ دشمن کو غصہ دلانے والا ہر کام اچھا اور درست

رہبر معظم انقلاب اسلامی حضرت آیت اللہ العظمی خامنہ ای نے ایران کی بری فوج کے کمانڈروں سے ملاقات میں سپاہ کے خلاف امریکہ کے معاندانہ اقدام کے بعد فوج اور سپاہ پاسداران انقلاب اسلامی کے درمیان اتحاد اور تعاون کو قابل ستائش قراردیتے ہوئے فرمایا: دشمن کو غصہ دلانے والا ہر کام اچھا اور درست ہے۔

مہر خبررساں ایجنسی کے نامہ نگار کی رپورٹ کے مطابق رہبر معظم انقلاب اسلامی حضرت آیت اللہ العظمی خامنہ ای نے ایران کی بری فوج کے کمانڈروں سے ملاقات میں سپاہ کے خلاف امریکہ کے معاندانہ اقدام کے بعد فوج اور سپاہ پاسداران انقلاب اسلامی کے درمیان اتحاد اور تعاون کو قابل ستائش قراردیتے ہوئے فرمایا: دشمن کو غصہ دلانے والا ہر کام اچھا اور درست ہے۔

رہبر معظم انقلاب اسلامی نے ایرانی فوج کو متدین، دیندار اور تجربہ کار قراردیتے ہوئے فرمایا: ایران کی مسلح افواج نے سیلاب سے متاثرہ علاقوں ميں امداد رسانی کے سلسلے میں شاندار اور قابل قدر اقدام انجام دیئے ہیں ۔ سیلاب سے متاثرہ علاقوں میں ایرانی فوج اور سپاہ نے باہمی اتحاد کے شاندار جلوے پیش کئے ہیں جنھیں دیکھ کر دشمن عصبانی اور غصہ میں ہے اور ہر کام جو دشمن کے غصے کا باعث بنے وہ اچھا اور درست کام ہے اور ہر وہ کام جو دشمن کو جری بنادے اس سے اجتناب کرنا چاہیے۔

رہبر معظم انقلاب اسلامی نے مسلح افواج کو قوم و ملک  کا حصار قراردیتے ہوئے فرمایا:  مسلح افواج جنگ کے وقت میں دشمن کو پسپا کرنے اور اس کے حملوں کو دور کرنے اور ملک و قوم کو تحفظ فراہم کرنے میں اپنا کلیدی کردار ادا کرتی ہے اور امن کے دوران میں بھی ملک و قوم کے لئے اطمینان کا باعث ہوتی ہے۔

رہبر معظم انقلاب اسلامی نے ایران کے خلاف امریکہ کی ہرزہ سرائی کی طرف اشارہ کرتے ہوئے فرمایا: امریکہ خود اربوں ڈالر کا مقروض اور مختلف مشکلات اور جرائم میں گرفتار ہے اور وہ کسی کا کچھ نہیں بگاڑ سکتا۔

رہبر معظم انقلاب اسلامی نے سپاہ پاسداران انقلاب اسلامی کے خلاف امریکہ کے حالیہ اقدام کو مجرمانہ قراردیتے ہوئے فرمایا: سپاہ اور فوج کے درمیان مثالی تعاون ہے اور دونوں کا سامراجی طاقتوں کی نابودی  اور حق کی حکومت کے ظہور تک باہمی اتحاد اور تعاون جاری رہےگا اور ایرانی قوم کے ہمراہ ہم سبھی اسلامی جمہوری مقدس نظام کے پاسدار ہیں۔

News Code 1889784

لیبلز

آپ کا تبصرہ

You are replying to: .
  • 7 + 5 =