بھارتی کے گرفتار پائلٹ کو واہگہ بارڈر پہنچا دیا گیا

بھارتی ایئر فورس کے گرفتار پائلٹ ابھی نندن کو سخت سیکورٹی حصار میں واہگہ بارڈر پہنچا دیا گیا ہے جہاں اسے بھارتی حکام کے حوالے کیا جائے گا۔

مہر خبررساں ایجنسی نے ڈان کے حوالے سے نقل کیا ہے کہ بھارتی ایئر فورس کے گرفتار پائلٹ ابھی نندن کو سخت سیکورٹی حصار میں واہگہ بارڈر پہنچا دیا گیا ہے جہاں اسے  بھارتی حکام کے حوالے کیا جائے گا۔ گرفتار بھارتی پائلٹ کے ہمراہ بھارتی سفارتخانے کے عملہ کے اہلکار بھی موجود ہیں۔ اس موقع پر انتہائی سخت سیکورٹی اقدامات کیے گئے ہیں اور جلو موڑ سے واہگہ بارڈر تک مختلف مقامات پر سیکیورٹی اہلکار تعینات ہیں۔

ترجمان دفترخارجہ محمد فیصل کے مطابق بھارتی پائلٹ ابھی نندن کو تھوڑی دیر میں بھارت کے حوالے کیا جائے گا اور اس حوالے سے تمام تیاریاں مکمل کرلی گئی ہیں۔ پاکستان میں تعینات بھارتی ائیر اتاشی بھی اپنے پائلٹ کے ہمراہ بھارت جائیں گے۔ بھارتی حکومت نے سرحد پر اپنی جانب پریڈ اور پرچم اتارنے کی تقریب منسوخ کرتے ہوئے بھارتی شہریوں کو شرکت سے روک دیا ہے جبکہ پاکستان میں یہ تقریب معمول کے مطابق ہوگی۔

واضح رہے کہ بھارتی پائلٹ ابھی نندن کو 27 فروری کو پاکستان کی فضائی حدود کی خلاف ورزی کرنے پر حراست میں لیا گیا تھا۔ گزشتہ روز وزیراعظم پاکستان عمران خان نے بھارتی پائلٹ کو بھارت کے حوالے کرنے کا فیصلہ کیا تھا۔

News Code 1888498

لیبلز

آپ کا تبصرہ

You are replying to: .
  • 9 + 1 =