افغانستان میں امریکی فضائی حملے میں طالبان کا اہم کمانڈر ہلاک

افغانستان میں امریکی فضائی حملے کے نتیجے میں وہابی دہشت گرد تنظیم طالبان کے سینیئر کمانڈر ملا عبدالمنان اخوند ہلاک ہو گئے ہیں۔

مہر خبررساں ایجنسی نے رائٹرز کے حوالے سے نقل کیا ہے کہ افغانستان میں امریکی فضائی حملے کے نتیجے میں وہابی دہشت گرد تنظیم طالبان کے سینیئر کمانڈر ملا عبدالمنان اخوند ہلاک ہو گئے ہیں۔ اطلاعات کے مطابق افغان صوبے ہلمند کے ضلع نوزاد میں امریکی طیاروں نے افغان طالبان کے مشتبہ ٹھکانے پر حملہ کیا۔ جس میں 29  طالبان ہلاک اور کئی زخمی ہوئے۔ ہلاک ہونے والوں میں طالبان کی جانب سے ہلمند کے لئے مقرر کئے گئے گورنر اور اہم کمانڈر ملا عبدالمنان اخوند بھی شامل ہیں۔ افغان طالبان نے ملا منان کی موت کی تصدیق کرتے ہوئے کہا ہے کہ وہ افغانستان سے غیر ملکی افواج کے انخلا تک اپنی جدو جہد جاری رکھیں گے۔ادھر افغان وزارتِ خارجہ کے ترجمان نجیب دانش نے کہا ہے کہ ملا منان کی موت طالبان کے لیے بہت بڑا دھچکہ ہے۔

News Code 1886135

لیبلز

آپ کا تبصرہ

You are replying to: .
  • 3 + 9 =