جہاد اور شہادت کا جذبہ در حقیقت دشمن کی سازشوں کی شکست کا مظہر ہے

اسلامی جمہوریہ ایران کی سپاہ پاسداران انقلاب اسلامی کے ڈپٹی کمانڈر جنرل سلامی نے کہا ہے کہ جہاد اور شہادت کا جذبہ در حقیقت دشمن کی سازشوں کی شکست کا مظہر ہے۔

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کی سپاہ پاسداران انقلاب اسلامی کے ڈپٹی کمانڈر جنرل حسین سلامی نے کہا ہے کہ جہاد اور شہادت کا جذبہ در حقیقت دشمن کی سازشوں کی شکست کا مظہر ہے۔ جنرل سلامی نے طبی شعبہ سے منسلک شہداء اور مدافع حرم شہداء کی یاد میں منعقد ہ کانفرنس سے خطاب کرتے ہوئے کہا کہ شہادت ایک حقیقت ہے جس مسلمانوں کی  سعادت کی راہ کو ہموار کرنے اور کفار پر غلبہ پانے میں اہم کردار ہے۔ آج بھی یہ حقیقت موجود ہے اورایران کے افق پر رونما ہونے والی اسلامی روشنی سے دشمن خوف و ہراس میں مبتلا ہوگئے ہیں اسی لئے وہ ایران کے خلاف گوناگوں سازشوں میں مصروف ہیں۔

جنرل سلامی نے کہا کہ مغربی اور مشرقی طاقتیں اسلام کے خلاف متحد ہوگئیں اور انھوں نے اسلام کے چراغ کو خاموش کرنے کے لئے اپنی پوری طاقت سے استفادہ کیا لیکن شہیدوں نے ثابت کردیا ہے کہ اصلی اور حقیقی طاقت اللہ تعالی کی طاقت ہے اور اللہ تعالی کی راہ اور اس کے نام کی بلندی کے لئے جو لوگ اپنی جان کا نذرانہ پیش کرتے ہیں وہ زندہ جاوید بن جاتے ہیں اور اللہ تعالی انھیں ابدی حیات عطا کردیتا ہے۔

جنرل اسلامی نے کہا کہ ایران کے اسلامی انقلاب کے خلاف دشمنوں کی گذشتہ 40 برسوں سے گھناؤنی سازشیں جاری ہیں۔ لیکن شہدائے اسلام نے ان کی تمام سازشوں کو نقش بر آب کردیا ہے۔

News Code 1886025

لیبلز

آپ کا تبصرہ

You are replying to: .
  • 3 + 0 =