نو ربیع الاول حضرت امام مہدی (عج) کی امامت کا آغاز/آپ عصمت محمدیہ کی چودھویں اور امامت علویہ کی بارھویں کڑی

نوربیع الاول حضرت امام مہدی علیہ السلام کی امامت کا آغاز ہےحضرت امام مہدی علیہ السلام سلسلہ عصمت محمدیہ کی چودھویں اور آسمان ولایت و امامت علویہ کی بارھویں کڑی ہیں۔ آپ کے والد ماجد حضرت امام حسن عسکری علیہ السلام اور والدہ ماجدہ جناب نرجس خاتون تھِیں۔

مہر خبررساں ایجنسی نے تاریخ اسلام کے حوالے س ے نقل کیا ہے کہ نوربیع الاول حضرت امام مہدی علیہ السلام کی امامت کا آغاز حضرت امام مہدی علیہ السلام سلسلہ عصمت محمدیہ کی چودھویں اور آسمان ولایت و امامت علویہ کی بارھویں کڑی ہیں۔ آپ کے والد ماجد حضرت امام حسن عسکری علیہ السلام اور والدہ ماجدہ جناب نرجس خاتون تھِیں۔ آپ اپنے آباء و اجدادکی طرح امام منصوص، معصوم، اعلم زمانہ اور افضل کائنات ہیں۔ آپ بچپن ہی میں علم و حکمت کے زیور سے آراستہ تھے۔ آپ کو پانچ سال کی عمر میں ویسی ہی حکمت دے دی گئی تھی، جیسی حضرت یحیی علیہ السلام کو ملی تھی اور آپ بطن مادر میں اسی طرح امام قرار دیئے گئے تھے، جس طرح حضرت عیسی علیہ السلام نبی قرار پائے تھے۔ آپ علیہ السلام کا مقام انبیاء سے بالاتر ہے۔ آپ کے بارے میں حضرت رسول اکرم صلی اللہ علیہ و آلہ و سلم نے بے شمار پیشین گوئیاں فرمائی ہیں اور وضاحت کی ہے کہ آپ حضور(ص) کی عترت اور حضرت فاطمۃ زہرا (س) کی اولاد سے ہوں گے۔ آپ نے یہ بھی فرمایا ہے کہ امام مہدی علیہ السلام کا ظہور آخری زمانہ میں ہو گا اور حضرت عیسی علیہ السلام ان کے پیچھے نماز پڑھیں گے۔ آپ نے یہ بھی فرمایا ہے کہ امام مہدی علیہ السلام میرے خلیفہ کی حیثیت سے ظہور کریں گے اور "یختم الدین بہ کما فتح بنا" جس طرح میرے ذریعہ سے دین اسلام کا آغاز ہوا اسی طرح ان کے ذریعہ سے مہر اختتام لگا دی جائے گی۔ آپ نے یہ بھی وضاحت فرمائی ہے کہ امام مہدی علیہ السلام کا اصل نام میرے نام کی طرح محمد اور کنیت میری کنیت کی طرح ابوالقاسم  ہو گی۔ وہ جب ظہور کریں گے تو ساری دنیا کو عدل و انصاف سے اسی طرح پرکر دیں گے جس طرح وہ اس وقت ظلم و جور سے بھری ہو گی۔ ظہور کے بعد سب پر واجب ہے کہ ان کی فورا بیعت کریں کیونکہ وہ خداکے بر حق خلیفہ ہوں گے۔ حضرت امام حسن عسکری (ع) کی شہادت کے بعد  9 ربیع الاول آپ کو امامت و خلافت کے تاج سے نواز گیا ۔

News Code 1885688

لیبلز

آپ کا تبصرہ

You are replying to: .
  • 8 + 2 =