سیناء میں پولیس کے ساتھ جھڑپیں، 11 شدت پسند ہلاک

مصر کے صوبے شمالی سیناء میں پولیس فورس کے ساتھ جھڑپوں میں 11 شدت پسند ہلاک ہوگئے ہیں۔

مہر خبررساں ایجنسی نے عرب ذرائع کے حوالے سے نقل کیا ہے کہ مصر کے صوبے شمالی سیناء میں پولیس فورس کے ساتھ جھڑپوں میں 11 شدت پسند ہلاک ہوگئے ہیں۔ سکیورٹی حکام کو اطلاع موصول ہوئی تھی کہ عریش شہر کے علاقے جسر الوادی میں ایک غیر آباد فیول سٹیشن میں مسلح دہشت گرد عناصر کا ایک گروپ چْھپا ہوا ہے۔ اطلاع ملنے کے بعد فوری طور پر مذکورہ مقام پر چھاپہ مارا گیا تو دہشت گردوں نے پولیس فورس پر فائرنگ کر دی۔ جوابی فائرنگ کے نتیجے میں 11 دہشت گرد اپنی جانوں سے ہاتھ دھو بیٹھے۔ ان میں دو انتہائی خطرناک دہشت گرد محمد ابراہیم جبر اور جمعہ علی عیاد شامل ہیں۔سکیورٹی ذرائع نے تصدیق کی کہ دہشت گردوں کے قبضے سے خود کار بندوقیں، دھماکا خیز آلات اور گولہ بارود برآمد کر لیا گیا۔

News Code 1883877

لیبلز

آپ کا تبصرہ

You are replying to: .
  • 1 + 4 =