مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ اسرائیلی فوج کی فضائی کارروائیوں میں ایک فلسطینی شہید اور3 زخمی ہوگئے ہیں۔اسپتال ذرائع کے مطابق اسرائیلی فوج کے فضائی حملوں میں ایک فلسطینی شہید جبکہ 3 زخمی ہوگئے ہیں جن میں سے ایک کی حالت نازک بتائی جاتی ہے ۔پہلا حملہ بیت الحنین میں فلسطینی ایمبولنس سروس کے قریب کیا گیا جبکہ دوسرا حملہ خان یونس کے علاقے میں کیا گیا ۔اسرائیلی فوج کے ترجمان نے فضائی حملوں کی تصدیق کی ہے۔ اسرائیلی بربریت کے خلاف عالمی برادری کے ساتھ ساتھ عرب ممالک بھی تماشائی بنے ہوئے ہیں عرب ممالک کی امریکہ کومالی امداد امریکہ کے ذریعہ اسرائیل کو ملتی ہے جس کی روشنی میں کہا جاسکتا ہے کہ امریکہ اور اسرائیل کے ساتھ بعض عرب ممالک بھی فلسطینیوں کے قتل میں برابر کے شریک ہیں