عراق میں دو خود کش حملوں میں 30 افراد ہلاک اور 100 سے زائد زخمی ہوگئے ہیں

مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ عراقی پولیس کے مطابق بعقوبہ اور بیجی میں ہونے والے دو خودکش حملوں میں کم سے کم تیس افراد ہلاک اور سو سے زائد زخمی ہوگئے ہیں۔عراق کے شمالی شہر بیجی میں ایک فوجی چیک پوائنٹ پر ہونے والے کار بم دھماکے میں بیس سے زائد افراد ہلاک ہوئے جبکہ 80 سے زائد زخمی ہوئے۔ ایک دوسرے حملے میں ایک خودکش بمبار نے بعقوبہ شہر میں ایک جنازے پر حملہ کردیا۔ پولیس کے مطابق اس حملے میں کم سے کم دس افراد ہلاک ہوئے ہیں۔