صعدہ پر سعودی عرب کے فضائی حملے میں 5 افراد شہید

مہر خبررساں ایجنسی نے المسیرہ کے حوالے سے نقل کیا ہے کہ سعودی عرب کی یمن کے مختلف صوبوں پر فضائی بربریت اور جارحیت کا سلسلہ جاری ہے سعودی عرب کے صعدہ پر تازہ ترین ہوائی حملے میں 5 افراد شہید اور متعدد زخمی ہوگئے ہیں۔ اطلاعات کے مطابق سعودی عرب کے جنگی طیاروں نے صعدہ کے علاقہ الظاہر پر بمباری کی ہے جس کے نتیجے میں 5 عام شہری شہید اور متعدد زخمی ہوگئے ہیں۔ یمن پر سعودی عرب کی وحشیانہ بمباری کا سلسلہ گذشتہ 3 سالوں سے جاری ہے جس کے نتیجے میں 30 ہزار سے زائد افراد شہید اور زخمی ہوگئے ہیں۔