مہر خبررساں ایجنسی نے کشمیر ذرائع کے حوالے سے نقل کیا ہے کہ ہندوستانی فوج نے کشمیر کے ضلع کپواڑہ میں فائرنگ کے تبادلے میں 3 علیحدگی پسندوں کی ہلاکت کا دعوی کیا ہے۔ اطلاعات کے مطابق کشمیر کے ضلع کپواڑہ کے علاقے کیران میں ہندوستانی فوج نے سرچ آپریشن کیا جس کے دوران بھارتی فوج اور علیحدگی پسندوں کے درمیان فائرنگ کا تبادلہ ہوا جس میں 3 علیحدگی پسند ہلاک ہوگئے۔ ادھر سری نگر کے علاقے گوری پورہ میں بھارتی پولیس کی 13 ویں بٹالین کی چوکی پر علیحدگی پسندوں نے حملہ کیا جس میں کئی اہلکار زخمی ہوگئے ۔ جبکہ علیحدگی پسند حملہ آور بھارتی پولیس کے اہل کاروں سے اسلحہ چھین کر فرار ہو گئے۔
اجراء کی تاریخ: 27 اپریل 2018 - 20:18
ہندوستانی فوج نے کشمیر کے ضلع کپواڑہ میں فائرنگ کے تبادلے میں 3 علیحدگی پسندوں کی ہلاکت کا دعوی کیا ہے۔