مصری فورسز نے 3 وہابی دہشت گردوں کو ہلاک کردیا

مہر خبررساں ایجنسی نے مصر الیوم کے حوالے سے نقل کیا ہے کہ مصری فورسز نے صحرائے سینا میں کارروائی کرتے ہوئے 3 وہابی دہشت گردوں کو ہلاک اور درجنوں کو گرفتار کرلیا ہے۔ مصری فوج کے ترجمان کرنل تامر رفاعی کی جانب سے جاری بیان میں کہا گيا ہے کہ سکیورٹی فورسز نے گزشتہ چند دنوں کے دوران جزیرہ نما سینا کے مختلف علاقوں میں چھاپے مارے۔اس دوران وہابی دہشت گردوں کی جانب سے شدید مزاحمت کی کوشش کی گئی جس میں تین وہابی دہشت گرد ہلاک ہوگئے، جبکہ 74  دہشت گردوں کو گرفتار کرلیا گیا ہے۔ مصر کے شمالی صوبے میں گزشتہ کچھ برسوں کے دوران وہابی دہشت گردوں کے حملوں میں اضافہ ہوا ہے، جس کے رد عمل میں مصری فوج کارروائیاں جاری رکھے ہوئے ہے۔