پاکستان کے علاقہ گجرات میں 3 وہابی دہشت گرد ہلاک

مہر خبررساں ایجنسی نے ایکس پریس کے حوالے سے نقل کیا ہے کہ پاکستان میں کاؤنٹر ٹیررازم ڈپارٹمنٹ نے گجرات میں کارروائی کر کے وہابی دہشت گرد اور  کالعدم تنظيم طالبان "  ٹی ٹی پی " کے 3 دہشتگردوں کو ہلاک کردیا جب کہ تین دہشت گرد فرار ہونے میں کامیاب ہو گئے۔ کاؤنٹر ٹیررازم ڈپارٹمنٹ نے وہابی دہشت گردوں کی اطلاع پر گجرات میں یونیورسٹی روڈ پل نالہ مراد پور کے قریب چھاپہ مارا، اس دوران سیکیورٹی فورسز اور دہشتگردوں کے درمیان ڈیڑھ گھنٹہ تک فائرنگ کا تبادلہ جاری رہا جس میں 3 دہشت گرد ہلاک جب کہ ان کے 3 ساتھی اندھیرے کا فائدہ اٹھاتے ہوئے فرار ہو گئے۔سی ٹی ڈی حکام کے مطابق ہلاک دہشتگردوں کے قبضے سے بارودی مواد، کلاشنکوف اور ڈیٹونیٹر برآمد ہوئے ہیں جب کہ ان کا تعلق وہابی کالعدم تحریک طالبان پاکستان سے ہے۔