روس نے امریکی سفارتکاروں کے عملے کو 445 تک کم کرنے کا حکم دیدیا

مہر خبررساں ایجنسی نے ٹاس کے حوالے سے نقل کیا ہے کہ روس نے اپنے خلاف امریکی پابندیوں کا جواب دیتے ہوئے واشنگٹن سے کہا ہے کہ وہ روس میں موجود اپنے سفارتی عملے کو445 افراد تک کم کردے۔ روسی صدر ولادیمیر پوتین کے جاری کردہ حکم میں امریکہ سے کہا گیا ہے کہ وہ روس میں اپنا اضافی سفارتی عملہ یکم ستمبر 2017ء تک واپس بلوالے جس کے بعد روس میں تعینات امریکی سفارتی عملے کی تعداد 445 رہ جائے گی جب کہ  اس کے ساتھ ماسکو کے نواح میں واقع ایسی دو عمارتوں کو بھی قبضے میں لے لیا گیا ہے جو امریکی سفارت کاروں کے زیر استعمال  تھیں۔ واضح رہے کہ  اس وقت امریکہ اور روس کے درمیان کشیدگی عروج پر ہے ۔