کراچی میں پلاسٹک فیکٹری میں آگ لگ گئی

مہر خبررساں ایجنسی نے جنگ کے حوالے سے نقل کیا ہے کہ پاکستان کے شہر کراچی انڈسٹریل ایریا میں واقع ایک پلاسٹک فیکٹری میں آگ لگ گئی۔ اطلاعات کے مطابق آگ شدید نوعیت کی ہے جو دیکھتے ہی دیکھتے پوری فیکٹری میں پھیل گئی، آگ لگنے کے فوری بعد فائر بریگیڈ کی گاڑیوں کو طلب کرلیا گیا ہے۔ریسکیوذرائع کے مطابق فائر بریگیڈ کی 5گاڑیاں موقع پر پہنچ چکی ہیں اور آگ بجھانے میں مصروف ہیں جبکہ اسنار کل کو بھی طلب کرلیاگیا ہے۔ذرائع کا یہ بھی کہنا ہے کہ آگ کی شدت کے باعث فیکٹری کا ایک حصہ گر گیا ہے۔مذکورہ فیکٹری میں پلاسٹک کا دانہ بنایا جاتا ہے، فیکٹری کے اطراف میں لوگوں کی بڑی تعداد موجود ہے جبکہ پولیس بھی موقع پر پہنچ گئی ہے ۔