مہر خبررساں ایجنسی نےایکسپریس کے حوالے سے نقل کیا ہے کہ پاکستان کے شہر پشاور میں چمکنی کے علاقے شاہ پور میں سکیورٹی فورسز نے مشترکہ کارروائی کر کے 2 وہابی دہشت گردوں کو ہلاک اور ایک کو گرفتار کر لیا ہے۔اطلاعات کے مطابق سکیورٹی فورسز نے پشاورمیں چمکنی کے علاقے شاہ پور میں دہشتگردوں کی موجودگی کی اطلاع پر کارروائی کرتے ہوئے 2 وہابی دہشت گردوں کو ہلاک اور ان کے ایک ساتھی کو گرفتار کر لیا۔ہلاک دہشت گردوں میں سے ایک کی شناخت خلیل عرف عارف کے نام سے ہوئی ہے جو وہابی دہشت گود اور کالعدم تنظیم کا اہم کمانڈر تھا۔ ہلاک دہشتگرد کمانڈر بیوی اور 4 بچوں کے ہمراہ بند مل کی عمارت میں رہائش پذیر تھا، فورسز نے اس کے بیوی بچوں کو بھی حراست میں لے لیا ہے۔ قبل ازیں شاہ پور کے علاقے میں ہی ایک مکان پر چھاپے کے دوران دہشت گردوں نے فورسز پر فائرنگ کردی، فورسز کی جوابی کارروائی میں 2 حملہ آور موقع پرہلاک ہوگئے جبکہ پولیس کے 5 اہلکار اور فوج کے 2 جوان زخمی ہو گئے۔ زخمی اہلکاروں کو طبی امداد کے لئے سی ایم ایچ منتقل کر دیا گیا ہے۔
اجراء کی تاریخ: 24 جون 2017 - 12:42
پاکستان کے شہر پشاور میں چمکنی کے علاقے شاہ پور میں سکیورٹی فورسز نے مشترکہ کارروائی کر کے 2 وہابی دہشت گردوں کو ہلاک اور ایک کو گرفتار کر لیا ہے۔