شام کے وزیر اعظم سہ پہر کو تہران پہنچیں گے

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کے نائب صدر اسحاق جہانگیری کی دعوت پر آج سہ پہر کو شام کے وزیر اعظم محمد عماد خمیس تہران کا دورہ کریں گے۔ شامی وزیر اعظم کا دورہ تہران آستانہ میں روس، ترکی اور ایران کے سہ فریقی مذاکرات سے قبل انجام پذیر ہورہا ہے جس میں شام اور ایران کے حکام شام کی تازہ ترین صورتحال پر تبادلہ خیال کریں گے۔ شامی وزیر اعظم ایران کی اعلی قومی سلامتی کونسل کے سکریٹری علی شمخانی کے ساتھ بھی ملاقات اور گفتگو کریں گے۔