ترکی کے اتاترک ایئرپورٹ پر فائرنگ/ دو افراد گرفتار

مہر خبررساں ایجنسی نے آناتولی کے حوالے سے نقل کیا ہے کہ ترکی کے اتاترک ایئرپورٹ پر فائرنگ کا واقعہ پیش آیا ہے جس کے بعد پولیس نے دو مشتبہ افراد کو گرفتار کرلیا ہے۔اطلاعات کے مطابق فائرنگ کے بعد گاڑیوں کا داخلہ بند کر دیا گیا ہے۔ ذرائع کے مطابق موٹرسائیکل پر سوار کے نہ رکنے پر پولیس نے فائرنگ کی تھی۔ پولیس کی فائرنگ سے ایک شخص زخمی اور ایک فرار ہوگیا ہے۔ پولیس نے موٹر سائیکل سوار مشکوک شخص کو زخمی حالت میں گرفتار کرلیا ہے۔ فرار ہونے والے دوسرے مشکوک شخص کو بھی پولیس نے گرفتار کرلیا ہے۔