مہر خبررساں ایجنسی نےایکسپریس نیوز کے حوالے سے نقل کیا ہے کہ پاکستان کے صوبہ بلوچستان کے شہر کوئٹہ کے نواحی علاقے سر پل میں سبزل روڈ پر مسلح افراد نے فائرنگ کر کے ایف سی کے 3 اہلکاروں کو ہلاک کردیا ہے۔ اطلاعات کےمطابق کوئٹہ کے نواحی علاقے سر پل میں سبزل روڈ پر مسلح دہشت گردوں نے ایف سی اہلکاروں پر فائرنگ کر دی جس کے نتیجے میں 2 اہلکار موقع پر ہی ہلاک اور ایک شدید زخمی ہوگیا، زخمی اہلکار کو طبی امداد کے لئے فوری طور پر اسپتال منتقل کیا گیا جہاں وہ بھی زخمیوں کی تاب نہ لاتے ہوئے دم توڑ گیا۔ ادھر پولیس اور ایف سی کی بڑی تعداد نے علاقے کا گھیراؤ کر کے دہشت گردوں کی تلاش کے لئے سرچ آپریشن شروع کردیا ہے۔
اجراء کی تاریخ: 14 اکتوبر 2016 - 11:51
پاکستان کے صوبہ بلوچستان کے شہر کوئٹہ کے نواحی علاقے سر پل میں سبزل روڈ پر مسلح افراد نے فائرنگ کر کے ایف سی کے 3 اہلکاروں کو ہلاک کردیا ہے۔