پاکستان بھر میں نویں محرم الحرام عقیدت اور احترام کے ساتھ منائی جارہی ہے

مہر خبررساں ایجنسی نے پاکستانی ذرائع کے حوالے سے نقل کیا ہے کہ نواسہ رسول حضرت امام حسین  علیہ السلام  اور ان کے بہتر باوفا ساتھیوں کی لازوال قربانیوں کی یاد میں پاکستان کے تمام  چھوٹے بڑے شہروں میں نو محرم کی مجالس عزا برپا اور،ماتمی جلوس نکالے جارہے ہیں اس موقع پر ملک بھر میں سکیورٹی کے سخت انتظامات کیے گئے ہیں۔پاکستان کے مختلف شہروں میں نویں محرم الحرام کے مرکزی جلوس روایتی راستوں پررواں دواں ہیں،پشاورمیں امام بارگاہ حسینیہ ہال اورلاہورمیں پانڈواسٹریٹ اسلام پورہ سے مرکزی جلوس برآمد ہوئے۔کوئٹہ میں امام بارگاہ ناصرالعزاء اور کراچی میں مرکزی جلوس نشتر پارک سے برآمد ہوا۔9   محرم کے سلسلے میں آج ملک بھر میں ماتمی جلوس برآمد اور مجالس عزا برپا کی جارہی ہیں۔پانی کی سبیلیں،امدادی کیمپ اورجلوس کی گزرگاہوں پر سکیورٹی کے سخت انتظامات کئے گئے ہیں ۔
سندھ میں روہڑی ،سکھر،خیرپور،نواب شاہ ،حیدرآباد،لاڑکانہ اورمیرپورخاص ،کشمور،شکارپور،جیکب آبادسمیت دیگر شہروں میں نویں محرم الحرام کی مناسبت سے مختلف مقامات پر مجالس برپاکی جارہی ہیں۔زاکرین اورعلمائے کرام واقعہ کربلا پرروشنی ڈال رہےہیں ۔اورشہدائے کربلا کی یاد تازہ کررہےہیں۔
ملتان ،سرگودھا،جھنگ،بہاولپور،چنیوٹ ،فیصل آباد،رحیم یارخان سمیت پنجاب بھر میں نویں اوردسویں محرم پرسیکورٹی کے غیرمعمولی انتظامات کئے گئےہیں۔
خیبرپختونخوا کے ضلع ڈیرہ اسماعیل خان میں سرکلر روڈ پر کنٹرول روم قائم کیاگیاہےجہاں سے مجالس اور جلوسوں کی مانیٹرنگ کی جارہی ہے۔شہر میں عاشورہ پر موٹرسائیکل چلانے پر پابندی ہوگی ۔ہنگو،کوہاٹ ،صوابی،ٹانک میں جلوس کی گذرگاہوں پرسخت حفاظتی انتظامات کئے گئے ہیں۔
قبائلی علاقوں میں بھی سیکورٹی کے سخت انتظامات کئے گئے ہیں ۔نویں محرم کے موقع پر300سے زائد مقامات پرمجالس کا سلسلہ جاری ہے ۔
گلگت بلتستان کے داخلی اورخارجی راستوں پر سیکورٹی کے غیر معمولی انتظامات کئےہیں۔مجالس ،امام بارگاہوں اورجلوس کی گزرگاہوں پر بڑی تعدادمیں اہلکارتعینات کئے گئے ہیں ۔ پاکستان بھر میں تمام شیعہ اور سنی مسلمان ملکر اپنے نبی کو ان کے نواسے کی شہادت پر پرسہ دے رہے ہیں جبکہ اس موقع پر بعض یزیدیوں کی جانب سے حملوں کا بھی خطرہ ہے یویدیوں کے حملوں کو ناکام بنانے کے لئے سکیورٹی کے سخت انتظآمات کئے گئے ہیں۔