چین میں ٹریفک حادثے میں 9 افراد ہلاک

مہر خبررساں ایجنسی نے شینہوا کے حوالے سے نقل کیا ہے کہ چین میں بس اور ٹرک کے درمیان ہونے والے تصادم کے نتیجے میں 9  افراد ہلاک اور 27 زخمی ہوگئے ہیں۔ سرکاری حکام کے مطابق واقعہ چین کے صوبے شیڈونگ میں پیش آیا جہاں ہائی وے پر ایک کوچ مخالف سمت سے آنے والے ٹرک سے ٹکراگئی۔ حادثے کے نتیجے میں نو افراد ہلاک اور ستائیس زخمی ہوگئے۔زخمی ہونے والے افراد کو اسپتال منتقل کردیا گیا جہاں انہیں طبی امداد فراہم کی جارہی ہے۔