امریکہ کا عراق میں مزید 560 فوجی بھیجے کا اعلان

مہر خبررساں ایجنسی نے سومریہ کے حوالے سے قنل کیا ہے کہ امریکی وزیر دفاع ایشٹن کارٹر نے موصل کو آزاد کرانے کے لئے عراق میں مزید 560 فوجی اہلکار بھیجنے کا اعلان کیا ہے۔ امریکی وزیر دفاع ایشٹن کارٹر کا کہنا تھا کہ مجھے یہ بتاتے ہوئے خوشی ہورہی ہے کہ موصل میں داعش کو شکست دینے کے لیے مزید 560 امریکی فوجی اہلکار عراق میں تعینات کرنے پر اتفاق ہو گیا ہے۔ ایشٹن کارٹر کے اس اعلان کے بعد پینٹاگون کی جانب سے جاری بیان میں کہا گیا کہ اضافی اہلکار، قیارہ کے قریب ایئرفیلڈ میں عراقی فورسز کو لاجسٹک اور انفرااسٹرکچر سمیت کئی طرح کی مدد فراہم کریں گے۔