ایرانی وزیر خارجہ کی ناروے کے وزير اعظم سے ملاقات

مہر خبررساں ایجنسی کی رپورٹ کے مطابق اسلامی جمہوریہ ایران کے وزير خارجہ محمد جواد ظریف نے ناروے کے وزیر اعظم ایرنا سولبرگ سے باہمی دلچسپی کے امور پر تبادلہ خیال کیا ہے۔ اس ملاقات میں دونوں رہنماؤں نے دو طرفہ تعلقات ، علاقائی امور اور عالمی مسائل پر تبادلہ خیال کیا۔ اقتصادی اور سیاسی شعبوں میں باہمی تعاون کو فروغ دینے پر بھی غور کیا گیا۔ اس سے قبل ایرانی وزیر خآرجہ نے ناروے کے وزیر خآرجہ اور دو سابق وزراء اعظم سے بھی باہمی دلچسپی کے امور پر بات چیت کی۔