صومالیہ میں امریکی ڈرون حملے میں 150 وہابی دہشت گرد ہلاک

مہر خبررساں ایجنسی نے رائٹرز کے حوالے سے نقل کیا ہے کہ امریکی وزارت دفاع پنٹاگون کے مطابق صومالیہ میں وہابی دہشت گرد تنظیم الشباب کے ایک ٹریننگ کیمپ پر ڈرون حملہ کیا گیا جس کے نتیجے میں 150 سے زائد وہابی دہشت گرد ہلاک ہوگئے ہیں۔ پنٹاگون کے ترجمان کیپٹن جیف ڈیوس نے کہا کہ یہ حملہ ہفتے کو راسو نامی کیمپ پر کیا گیا جو موگادیشو سے تقریباً 195 کلو میٹر دور ہے۔انہوں نے کہا کہ یہ دہشت گرد ایک بڑے حملے کی تیاریوں میں مصروف تھے اور ان سے امریکہ اور افریقی فورسز کو خطرہ لاحق تھا۔ پنٹاگون ترجمان کا کہنا تھا کہ ابتدائی معلومات کے مطابق ڈرون حملے میں 150 سے زائد وہابی دہشت گرد مارے گئےہیں۔