فلوجہ میں عراقی ہیلی کاپٹر گر کر تباہ

مہر خبررساں ایجنسی نے سومریہ کے حوالے سے نقل کیا ہے کہ عراق کے شہر فلوجہ میں عراقی فوج کا ہیلی کاپٹر گر کرتباہ ہوگیا ہے اور اس حادثے میں ہیلی کاپٹر کے دونوں پائلٹ جاں بحق ہوگئے ہیں۔عراق کے سکیورٹی ذرائع کے مطابق عراقی ہیلی کاپٹر فنی خرابی کے باعث گر کر تباہ ہوا ہے اوریہ حادثہ فلوجہ میں العامریہ کے علاقہ ادعیج میں پیش آیا جس کے نتیجے میں ہیلی کاپٹر کا پائلٹ موقع پر ہی جاں بحق ہوگیا جبکہ دوسرے پائلٹ نے اسپتال میں دم توڑ دیا ہے۔ عراقی ذرائع کے مطابق یہ دوسرا ہیلی کاپٹر ہے جو گذشتہ دو دنوں مین فنی خرابی کے باعث گر کر تباہ ہوگيا ہے۔