امریکی شہرفلاڈیلفیا میں ٹرین پٹڑی سے اتر گئی،5ہلاک ،70افراد زخمی

مہر خبررساں ایجنسی نے رائٹرز کے حوالے سے نقل کیا ہے کہ امریکی شہر فلاڈیلفیا میں ٹرین کی بوگیاں پٹڑی سے اترنے سے 5 افراد ہلاک،70 زخمی ہوگئے ہیں ۔امریکی حکام کے مطابق تیز رفتار مسافر ٹرین فلاڈیلفیا کے قریب حادثے کا شکار ہوئی۔ اور ٹرین کی 8 سے 10 بوگیاں پٹڑی سے اتر گئیں،حادثے میں 5 افراد ہلاک ،70 زخمی ہوگئے،جس میں سے 6 کی حالت تشویشناک ہے۔مسافر ٹرین میں238 مسافر اور 5 عملے کے افراد سوار تھے۔حادثے کی اطلاع ملتے ہی سیکڑوں پولیس اہلکار،فائر فائٹرزفوری حادثے کی جگہ پہنچے،اور زخمیوں کو طبی امداد کیلئے اسپتال منتقل کردیا گيا ہے۔