پاکستان نے فلسطینی مہاجرین کیلئے امداد میں اضافہ کردیا

اقوام متحدہ میں پاکستانی سفیر ملیحہ لودھی نے کہا ہے کہ پاکستان نے فلسطینی مہاجرین کیلئے امداد میں اضافہ کردیا ہے۔

مہر خبررساں ایجنسی نے ایکس پریس کے حوالے سے نقل کیا ہے کہ اقوام متحدہ میں پاکستانی سفیر ملیحہ لودھی نے کہا ہے کہ پاکستان نے فلسطینی مہاجرین کیلئے امداد میں اضافہ کردیا ہے۔ پاکستانی سفیر ملیحہ لودھی نے کہا ہے کہ اس نے اضافی امداد اقوام متحدہ کے امدادی ادارے  " اونروا " کے حوالے کر دی ہے۔ اس موقع پر گفتگو کرتے ہوئے ملیحہ لودھی نے کہا کہ پاکستانی عوام ہمیشہ فلسطینی بہن بھائیوں کے ساتھ کھڑے رہے، امریکہ سمیت بڑے ڈونرزکے ہاتھ کھینچ لینے سے عالمی ادارے کو فلسطینیوں کی امداد میں مالیاتی بحران کا سامنا ہے، اس لیے اسلامی تنظیم او آئی سی میں شامل ممالک نے اپنا حصہ بڑھانے کا فیصلہ کیا ہے۔ پاکستانی تعاون پر اقوام متحدہ  کے امدادی ادارے کے کمشنر جنرل کراہن بوہی نے کہا کہ پاکستان فلسطینی کاز کی مالی مدد کے ساتھ ساتھ سفارتی تعاون بھی کر رہا ہے، عالمی ادارہ اس مالی امداد سے رواں سال پانچ لاکھ تیس ہزار فلسطینی مہاجر بچوں کے اسکول چلا سکے گا، امداد سے بنیادی صحت مراکز اور کلینک کھلے رکھنے کے قابل ہو جائیں گے۔ واضح رہے کہ امریکی صدر ڈونلڈ ٹرمپ نے رواں سال فلسطینی پناہ گزینوں کے لیے خدمات انجام دینے والی اقوام متحدہ  کے ادارے  " اونروا " کی 30 کروڑ ڈالر کی امداد روک دی تھی۔

News Code 1885529

لیبلز

آپ کا تبصرہ

You are replying to: .
  • 5 + 11 =