بیت المقدس کی آزادی ایران سمیت تمام مسلمانوں کی آرزو

اسلامی جمہوریہ ایران کے صدر حسن روحانی نے عوام کو یوم قدس کی عظیم ریلیوں میں بھر پور شرکت کی دعوت دیتے ہوئے کہا ہے کہ بیت المقدس کی آزادی ایرانی مسلمانوں سمیت تمام مسلمانوں کی آرزو ہے۔

مہر خبررساں ایجنسی کی رپورٹ کے مطابق اسلامی جمہوریہ ایران کے صدر حسن روحانی نے عوام کو یوم قدس کی عظیم ریلیوں میں بھر پور شرکت کی دعوت دیتے ہوئے کہا ہے کہ بیت المقدس کی آزادی ایرانی مسلمانوں سمیت تمام مسلمانوں کی آرزو ہے۔

صدر حسن روحانی نے ایک بیان میں یوم قدس کو حضرت امام خمینی (رہ) کی عظیم  یادگار قراردیتے ہوئے کہا ہے کہ ایرانی عوام حضرت امام خمینی (رہ) کی آواز پر ہر سال کی طرح اس سال بھی لبیک کہتے ہوئے یوم قدس کی ریلیوں میں وسیع پیمانے پر شرکت کریں گے۔

صدر حسن روحانی نے کہا کہ اس سال مقبوضہ فلسطین پر اسرائیل کے غاصبانہ قبضہ کو ستر سال ہو گئے ہیں اور فلسطینی عوام پر اسرائيل کی بربریت اور جارحیت میں بھی اضافہ ہوگيا ہے لہذآ اس سال کی ریلیوں میں عوام گذشتہ سالوں کی نسبت بھر پور شرکت کریں گے۔

صدر حسن روحانی نے کہا کہ مظلوم اقوام کی حمایت ہمارے اسلامی، انسانی اور اخلاقی اصولوں کا حصہ ہے اور وہ دن دور نہیں جب آوارہ وطن  فلسطینی عوام اپنے گھروں میں آباد ہوں گے اور غاصب صہیونی حکومت کا خاتمہ ہوجائے گا ۔ صدر روحانی نے کہا کہ بیت المقدس کی آزادی ایران سمیت تمام مسلمانوں کی تمنا ہے۔

News Code 1881242

لیبلز

آپ کا تبصرہ

You are replying to: .
  • 3 + 11 =